दाउरा बटुल्न जाँदा मोहना नदीले बगाउँदा युवक बेपत्ता
धनगढी । कैलालीमा मोहना नदीमा डुबेर एकजना बेपत्ता भएका छन् । धनगढी उपमहानगरपालिका-१९ मा दाउरा बटुल्ने क्रममा मोहना नदीमा डुबेर एक जना बेपत्ता भएका हुन् ।
बिहीबार बिहान धनगढी उपमहानगरपालिका १९, खेदाका स्थानीय अन्दाजी २६ वर्षीय माने भनिने रिस्मान चौधरी मोहना नदीमा डुबेर बेपत्ता भएका हुन् ।
नदीले बगाएर ल्याएका दाउरा बिहान साथीहरुसँगै समात्ने क्रममा उनलाई नदीले डुबाएर बेपत्ता पारेको सीमा प्रहरी चौकी बहुलीयाका इन्चार्ज गोपाल कार्कीले जानकारी दिए । बेपत्ता चौधरीको खोजी कार्य भइरहेको कार्कीले जानकारी दिए ।
