यौन दुर्व्यवहार आरोपमा गैससका अध्यक्ष ढकाल पक्राउ
मोरङ । गैरसरकारी संस्था महासंघ (गैसस)मोरङका अध्यक्ष राजेन्द्र ढकाल यौन दुर्व्यवहार आरोपमा पक्राउ परेका छन् ।
विराटनगर-१२ घर भएका ५५ वर्षीय ढकाल एजुकेशन हेल्पलाइन र गैसस मोरङका अध्यक्ष समेत हुन् ।
उनलाई घरबाट प्रहरीले बुधबार पक्राउ गरेको जनाएको छ । एक जना १२ वर्षीय बालकलाई अप्राकृतिक यौन दुर्व्यवहार गरेको आरोपमा पक्राउ परेका हुन् ।
मोरङ प्रहरीका प्रवक्ता डिएसपी दीपक श्रेष्ठका अनुसार ढकालविरुद्ध मौखिक उजुरी आएपछि अनुसन्धानका लागि नियन्त्रणमा लिइएको हो । ढकालविरुद्ध एक जना बालकलाई अप्राकृतिक यौन दुर्व्यवहार गरेको मौखिक उजुरी आएपछि नियन्त्रणमा लिएर अनुसन्धान थालेको बताउँदै, डिएसपी श्रेष्ठले भने, ‘ढकालविरुद्ध मौखिक उजुरी मात्रै आएको छ । जाहेरी आएपछि त्यसका आधारमा कानुन बमोजिम कारबाहीलागि अनुसन्धान थप अघि बढ्ने छ ।’