करिश्मा एमालेको केन्द्रीय संस्कृति विभागको सदस्य
काठमाडौं । अभिनेत्री करिश्मा मानन्धर नेकपा एमालेको केन्द्रीय संस्कृति विभागको सदस्यमा मनोनीत भएकी छिन् । गत ११ भदौमा सम्पन्न केन्द्रीय कमिटी बैठकले मानन्धरलाई विभागको सदस्य मनोनीत गरेको हो ।
पार्टी अध्यक्ष केपी ओलीले पछिल्लो पटक जारी गरेको अन्तरपार्टी निर्देशन-५ मा मानन्धरलाई विभाग सदस्य मनोनीत गरिएको उल्लेख छ । उनी ०७८ को ८ चैतमा कार्की बैंक्वेटमा आयोजित कार्यक्रममा एमाले प्रवेश गरेकी थिइन् । त्यसयता मानन्धर एमालेका गतिविधि र कार्यक्रमहरूमा सक्रिय हुँदै आएकी छिन् ।
