एउटै चीजलाई हेर्ने आँखा कस्ता हुन् ? अचम्म लागेको छ : बाँस्कोटा


१७ भाद्र २०७९, शुक्रबार
Gokul Baskota 1

काठमाडौं । प्रमुख प्रतिपक्षी नेकपा एमालेका सांसद गोकुल बाँस्कोटा सरकारले ल्याएको मिडिया काउन्सिल विधेयक विकृत रुपमा आएको टिप्पणी गरेका छन् । शुक्रबार प्रतिनिधिसभामा विधेयकमाथिको छलफलमा बोल्दै पूर्व सञ्चारमन्त्री समेत रहेका बाँस्कोटाले मिडिया काउन्सिल विधेयक आउनु राम्रो भए पनि विकृत रुपमा आएकाले सच्याउन जरुरी रहेको बताए ।

उनले उक्त विधेयकको भु्रण हत्या हुन्छ कि भन्ने लागेको पनि टिप्पणी गरे । ‘मलाई लाग्थ्यो यसको भ्रुण हत्या हुन्छ कि ? भएनछ धन्यवाद । तर केही कुरा विकृत भएर आएछ’ उनले मिडियालाई स्वायत्त बनाउने हो भने सोही क्षेत्रका निर्वाचित तीन जना मानिसहरु राख्नुपर्ने भनिए पनि अहिले आएको विधेयकमा सबै सरकारले मनोनित गर्ने गरी आएकोमा आपूु छक्क परेको बताएका छन् ।

salt trading.gif.pagespeed.ce .ZcRuUKaeUT

‘हिजो एक लाखसम्मको जरिवाना काउन्सिलले गर्नसक्ने भन्ने थियो । त्यसोभन्दा खिल्ली उडाइएको थियो । बसिखप्न दिइएन । माइतीघर मण्डलाको दुवो एक दिन पनि सुखले बस्न पाएन’, बाँस्कोटाले थपे, ‘तर आज १० लाखसम्म जरिवाना गर्न पाउने भनेर आएछ । एउटै चिजलाई हेर्ने आँखा कस्ता हुन् ? गज्जब छ । अचम्म लागेको छ । मनिटरिङको सिस्टम अनलाइनमा ठिक छ ।’ उनले एउटै कुरामा हिजो अर्कै देख्ने र आज अर्कै देख्ने सत्ता पक्षका सांसदहरुको आँखा के भएको भनेर प्रश्न गरे । ‘यसमा जनताले आँखा उपहार दिनुपर्छ’, बाँस्कोटाको भनाइ छ ।

city
ncll 2
jagdamba.cement
nepal liquors

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७