२० वर्षमुनिको एसिया कप छनोट : नेपाल बहराइनसँग ६-० ले पराजित
काठमाडौँ । २० वर्षमुनिको एसिया कप छनोटमा नेपाल बहराइनसँग फराकिलो अन्तरले पराजित भएको छ ।
घरेलु मैदानमा भएको खेलमा बहराइनले नेपाललाई ६-० गोलले हरायो । बहराइनले २० मिनेटमा गोलको सुरुवात गरेको थियो । खेलको २८औं मिनेटमा अमर श्रेष्ठले रातो कार्ड पाएपछि नेपाल पहिलो हाफमै १० खेलाडीमा सीमित भएको थियो ।
पहिलो हाफमा २ गोल खाएको नेपालले दोस्रो हाफमा थप चार गोल खायो । हारसँगै नेपाल एसिया कपमा छनोट हुन असफल भएको छ । नेपाल पहिलो खेलमा भुटान र दोस्रो खेलमा कतारसँग पराजित भएको थियो । नेपालले अन्तिम खेल आउँदो आइतवार बङ्गलादेशसँग खेल्ने छ ।
