युवा विद्रोहको लहर छ, हामी को-को बढारिन्छौं भन्न सकिन्नँ : बाबुराम भट्टराई


१ आश्विन २०७९, शनिबार
28 Shares
Baburam Bhattarai 1

काठमाडौं । नेपाल समाजवादी पार्टीका अध्यक्ष डा. बाबुराम भट्टराईले प्रतिनिधि सभाको बैठकमा बालेन्द्र शाह, हर्क साम्पाङको प्रशंसा गरेका छन् ।

आज (शनिबार) बसेको प्रतिनिधि सभाको ११ औं अधिवेशनको अन्तिम बैठकमा सम्बोधन गर्दै अध्यक्ष भट्टराईले राजनीतिमा युवाहरूको लहर आएको बताउँदै शहरी क्षेत्रमा पुराना दललाई अब चुनाव जित्न कठिन हुने दिन आएको बताए । ग्रामीण दुर्गम क्षेत्रमा राजनीतिक दलले संगठनको बलमा चुनाव जिते पनि शहरी क्षेत्रमा चुनाव जित्न कठिन अवस्था आएकोले युवाको मनोभावना अनुसार दलहरू अघि नबढे असफल हुने बताए ।

salt trading.gif.pagespeed.ce .ZcRuUKaeUT

अध्यक्ष भट्टराईले बितेको ५ वर्षमा राजनीतिक दलहरू पास हुन नसकेको बताए । उनले इतिहासले सुम्पिएको जिम्मेवारी राजनीतिक दलहरूले कति पुरा गर्न सके समीक्षा गर्ने बेला भएको बताए । उनले भने, ‘हामीलाई जनताले कसरी हेरिरहेका छन्, हामीले त्यसमा विचार गर्न आवश्यक छ । राजनीतिक विकृतिहरूका समाचारमा आफैलाई हेर्न जरुरी छ । यही संसदबाट निर्वाचित भएको सरकारले यही संसद्लाई दुई पटक विघटन गर्न पुग्यो । धन्न हामीले जोगाउन सफल भयौँ ।’

ncll 2

उनले सङ्क्रमणकालीन न्यायको विषय कुनै दल समूह विशेषको नभई देशको शान्ति प्रक्रियासँग जोडिएको उल्लेख गर्दै सो बारेको विधेयक पास हुन नदिई राजनीतिकरण गरिएको उल्लेख गरे । सङ्क्रमणकालीन न्यायका लागि हजारौँ पीडित जनता प्रतिक्षमा रहेको बताउँदै उनीहरूले न्याय पाउनु पर्दैन भन्दै प्रश्न गरे । उनले यो विषय विस्तृत शान्ति सम्झौतापछि सबैको साझा समस्याको रूपमा रहेको बताए ।

jagdamba.cement

यस्तै डा. भट्टराईले नागरिकता विधेयकमा राजनीतिकरण गर्दै लम्ब्याएकोमा दुःख व्यक्त गरे । उनले नागरिकताको विषयमा दलीय आधारमा लम्बिनु नहुने धारणा उल्लेख गर्दै नागरिकता विधेयकमा कुनै बहाना नगरी छिटो पास गर्नुपर्नेमा कमजोरी भएको बताए ।

उनले नेपालका लिम्पियाधुरा, लिपुलेक र कालापानी क्षेत्र नक्सामा समावेश गरेँ भनेर राष्ट्रवादी बनेर तिघ्रा पिट्ने तर त्यो प्राप्तिका लागि कुनै काम नभएको उल्लेख गरे । उनले संविधान जारी हुने बेला यो संविधान आधा गिलास भरी र आधा खाली भनेको विषयलाई स्मरण गर्दै संविधानमा पूरा नभएका विषयलाई पूणर्ता दिन अझै काम गर्न जरुरी रहेको बताए ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७