शेयर बजारमा ३८.८१ अंकले ओरालो, एक अर्ब २२ करोडको कारोबार
काठमाडौं । शेयर बजारमा ३८ अंकले ओरालो लागेको छ । नेप्से परिसूचक ३८.८१ अंकले घटेर १८३७.६० विन्दुमा झरेको छ । गत बिहीबारदेखि निरन्तर घट्न थालेको परिसूचक दिनहुँ फराकिलो अंकले घट्दो छ । मंगलबारसम्म आइपुग्दा नेप्सेले १४४ अंक गुमाइसकेको छ ।
कारोबार रकममा भने केही कमी देखिएको छ । मंगलबार एक अर्ब २२ करोड रुपैयाँको शेयर कारोबार भएको छ । हिमालयन डिष्टिलरी र रिडी हाइड्रोपावरको ५/५ करोड रुपैयाँभन्दा बढीको शेयर किनबेच भएको छ ।
कारोबारमा आएका २३१ वटा कम्पनिमध्ये १७८ वटाको शेयर मूल्य घटेको हो । मात्र ७ वटा कम्पनीको शेयर मूल्य बढेको छ । यस्तै, २ वटाको शेयर मूल्य अघिल्लो दिनको तुलनामा स्थिर छन् । बजारको फराकिलो गिरावटका बाबजुद स्वाभिमान लघुवित्तको शेयर मूल्य ४ प्रतिशत बढेको छ । यस्तै, कालिका पावरको शेयर बिक्री गर्नेहरूको सक्रियता बाक्लो छ ।
फाइनान्स, विकास बैंक र जलविद्युत अन्तर्गतका शेयरमा सिर्जना भएको बिक्री चापका कारण नेप्से मंगलबार पनि २ प्रतिशतभन्दा धेरै घटेको छ । लगानी उपसमूहका शेयरको आपूर्ती पनि अत्याधिक छ ।
