डा. केसी आफ्नै खर्चमा काठमाडौं आउने


५ आश्विन २०७९, बुधबार
28 Shares
Govinda kc 1

धनगढी । कैलालीको धनगढीमा अनसनरत डा. गोविन्दा केसी उपचारका लागि बुधबार साढे चार बजे काठमाडौं आउन सहमत भएका छन् । मंगलबार नेपाली सेनाको हेलिकप्टरबाट काठमाडौं आउन अस्वीकार गरेका उनी आज भने आफ्नै खर्चमा आउन तयार भएको उनका सहयोगी प्रितम सुवेदीले जानकारी दिए ।

डा. केसी काठमाडौं आएपछि त्रिवि शिक्षण अस्पतालमा उपचार गरिने सुवेदीले बताए । चिकित्सा शिक्षा र स्वास्थ्य सेवा सुधारको माग राखेर केसी १० दिनदेखि अनसनरत छन् । चिकित्सा क्षेत्र र स्वास्थ्य क्षेत्रको सुधारसहित विभिन्न ७ बुँदे माग राखेर उनी आमरण अनसनमा बसेका हुन् । १० दिन लामो अनसनका कारण उनको स्वास्थ्यस्थिति कमजोर बनेको छ ।

salt trading.gif.pagespeed.ce .ZcRuUKaeUT

डा.केसीलाई टाउको दुख्ने, रिँगटा लाग्ने, स्वास फेर्न गाह्रो हुने, धेरै कमजोरी जस्ता समस्या देखिएको सेती प्रादेशिक अस्पतालले जनाएको छ । उनको शरीरमा रक्तचाप र अक्सिजनको मात्रा कम भएको छ । यस्तै मांशपेशी सुक्दै गएको छ भने पेटमा कडा खालको अल्सरको लक्षण देखिएको छ ।

ncll 2

डा.केसीले मुखबाट पानी र नशाबाट रिङ्गर ल्याक्टेट बाहेक कुनै पनि पदार्थ लिएका छैनन् । मांशपेशी सुक्दै गएको र अल्सर भई रक्तश्रावको शंका भएकाले थप उपचारको लागि बहुबिशेषज्ञ भएको विशिष्टिकृत अस्पतालमा स्थानान्तरण गर्न चिकित्सकले सुझाव दिएका थिए ।

jagdamba.cement

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७