कपन आगलागीमा ३ जनाको मृत्यु, हेर्नुहोस् तस्वीरहरू
काठमाडाैं : बुढानीलकण्ठ नगरपालिकास्थित कपनको एक घरमा आगलागी हुँदा मृत्यु हुनेको संख्या ३ पुगेको छ । काठमाडौ बुढानिलकण्ठ – १० कपन स्थित टंक घिसिङ घरमा ग्यास सिलिन्डर विष्फोट आगलागी भएको हो ।
इलाइट हिमालयन एडभेन्चर प्रा.लिमा नामक ट्रेकिङ्ग अफिसको अक्सिजन सिलिण्डरहरु पड्किएर आगलागी भएको हो ।
बुधबार बेलुकी पौने ७ बाट सुरु भएको आगलागीको कारण घर पूर्णत जलेको छ । आगलागीबाट जनाको मृत्यु भएको महानगरीय प्रहरी वृत्त बौद्धका डिएसपी हरि बस्नेतले जानकारी दिए।
स्रोतका अनुसार इलाइट हिमालयन एडभेन्चर प्रा.लिमा नामक ट्रेकिङ्ग अफिस आठ हजार मिटरभन्दा माथिका सबै हिमालको सबैभन्दा छिटो अर्थात् १८९ दिनमा आरोहण गरेर चर्चित भएका निर्मल (निम्स) पुर्जाको हो ।
शवहरु टिचिङमा लगिएको छ । मृतकको पहिचान खुल्न बाँकी रहेको एसएसपी बोहोराले बताए । उनका अनुसार दमकल, स्थानीय र प्रहरीको सहयोगमा आगलागी निभाइसकिएको छ ।
