कपन आगलागी : ताप्लेजुङका टंक घिसिङको घर, चर्चित आरोही निम्स दाइको ट्रेकिङ्ग अफिस
काठमाडौं : काठमाडौंको बुढानीलकण्ठ नगरपालिका–१० स्थित कपनमा आगलागी हुँदा तीन जनाको मृत्यु भयो । केही घाइते छन् ।
कपन राम मन्दिर नजिक घरमा अक्सिजन सिलिन्डर पड्किएर आगलागी भएको हो । यो घर ताप्लेजुङ स्थायी घर भएका टंक घिसिङको हो । प्रहरीका अनुसार घिसिङको घरमा राखिएको इलाइट हिमालयन एडभेन्चर प्रा.लिमा नामक ट्रेकिङ्ग अफिसको अक्सिजन सिलिण्डरहरु पड्किएर आगलागी सुरु भएको थियो ।
उक्त ट्रेकिङ्ग अफिस चर्चित कीर्तिमानी हिमाल आरोही निर्मल पुर्जा (निम्स दाइ) को हो । आठ हजार मिटरभन्दा माथिका सबै हिमालको सबैभन्दा छिटो अर्थात् १८९ दिनमा आरोहण गरेका उनलाई गिनिज वल्र्ड रेकर्डले प्रमाणपत्र दिएको छ ।
मृत्यु भएका मध्ये निम्स दाइको समूहका सदस्य मिङ्मा डेभिड शेर्पाको आफ्नै भाई हुन् । बाँकी कार्यालयका कर्मचारी ।
निम्सको नाममा आठ हजार मिटरभन्दा माथिका सबै हिमालको सबैभन्दा छिटो आरोहण, शीर्ष पाँच हिमाल ७० दिनमा आरोहण, बोतलमा अक्सिजन लिएर आठ हजारमाथि सबैभन्दा छिटो आरोहण र आठ हजार मिटरको सबैभन्दा छिटो ट्रिपल हेडर पाँच दिन तीन घण्टा ३५ मिनेटमा आरोहण गरेको कीर्तिमान छ। यी किर्तिमानको विषयमा आधारित फोर्टिन् पिक्सः नथिङ इम्पोसिबल नामक चलचित्र समेत बनेको छ।
घटनास्थलका तस्बिरहरू
