युक्रेन स्कटल्याण्डसँग पराजित
काठमाडौं । स्कटल्याण्डसँग ३-० ले पराजित हुँदा युक्रेनले युइएफए नेसन्स लिगमा पहिलो हार बेहोरेको छ । बुधबार राति भएको खेलमा घरेलु टोलीको जितमा लेन्डन डेकेसले दुई गोल गरे । जोन म्याक्जिनले एक गोल थपे ।
खेलको ७०औं मिनेटमा जोन स्कटल्याण्डलाई १-० को अग्रता दिलाए । ८०औं मिनेटमा डेकेसले दोब्बर अग्रता बनाए । ८७ औं मिनेटमा डेकेसले तेस्रो गोल गरे ।
हारसँगै समूह बी को ग्रुप १ मा युक्रेन ४ खेलमा ७ अंक जोडेर दोस्रो स्थानमा छ । स्कटल्याण्ड चार खेलबाट ९ अंक जोडेर शीर्ष स्थानमा उक्लिएको छ ।