एक लाख १५ हजार म्यादी प्रहरीको मागमा दुई लाख ३२ हजार ८८ आवेदन

कुन प्रदेशबाट कति पर्‍यो आवेदन ?


७ आश्विन २०७९, शुक्रबार
14 Shares
myadi

काठमाडौँ । आसन्न प्रतिनिधि र प्रदेश सभा निर्वाचन सुरक्षाका लागि म्यादी प्रहरीमा मागभन्दा दोब्बर बढीले आवेदन परेको छ । प्रतिनिधि सभा र प्रदेश सभा चुनावको सुरक्षाका लागि भन्दै एक लाख १५ हजार म्यादी प्रहरी माग गरिएकोमा दुई लाख ३२ हजार ८८ जनाले आवेदन दिएका छन् । म्यादी प्रहरीका लागि ४० दिनको कार्यावधि तोकेर गएको भदौ ३० गते भर्ना खोलिएको थियो ।

आवेदन दिने म्याद हिजो सकिएको छ । यो अवधिमा देशभरबाट २ लाख ३२ हजार ८८ जनाले म्यादी प्रहरी बन्न आवेदन दिएका प्रहरी प्रवक्ता डीआईजी टेकप्रसाद राईले जानकारी दिनुभयो । सबैभन्दा धेरै मधेस प्रदेशमा आवेदन परेको छ । यस्तै, सबैभन्दा कम कणर्ाली प्रदेशमा परेको छ ।

salt trading.gif.pagespeed.ce .ZcRuUKaeUT

प्रवक्ता राईका अनुसार मधेस प्रदेशबाट ६६ हजार ८८४, वाग्मतीबाट २१ हजार १०६, गण्डकीबाट १५ हजार ९०९, लुम्बिनीबाट ४३ हजार ९०५, कर्णालीबाट १४ हजार ९३६, सुदूरपश्चिमबाट २४ हजार ४५०, प्रदेश-१ बाट ३५ हजार ८२६ र काठमाण्डौ उपत्यकाबाट ९ हजार ७२ जनाले आवेदन दिएका छन् । दरखास्त दिने सबैलाई आज सम्बन्धित जिल्ला प्रहरी कार्यालयमा सम्पर्क गर्न भनिएको छ ।

पर्सि ९ गतेदेखि १४ गतेसम्म भर्ना छनोट हुनेछ । दरखास्त दिनेमध्येबाट एक लाख १५ हजार म्यादी प्रहरी छनोट हुन्छन् । म्यादी प्रहरीले ४० दिने कार्य अवधिमा तलब र रासनबापत ४१ हजार ९६० रुपैयाँ पाउने छन् ।

jagdamba.cement

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७