दशैंमा झिलिमिली काठमाडौंका बजार {फोटो फिचर}
काठमाडौं । देशको संघीय राजधानीका सपिङ सेन्टर अहिले रङ्गिन छन् । दशैं, तिहार र छठ पर्वका अवसरमा बजार झिलिमिली बनेको हो । शहरका ठूला सपिङ मलमा चङ्गैचङ्गा टाँगिएको छ । बजार डमी पिङ, लटाइले सझिइएको छ । साँझपख सडकमा घुम्दा दिपावलीको झल्को दिने गरी बजारमा झिलिमिली बत्ती बालिएको छ ।
लगातार चाडपर्व आउने र यो बेला व्यापार बढ्ने हुँदा व्यापारीहरू आफ्नो व्यावसायलाई सजाएका हुन् । दशैं लागेसँगै काठमाडौंका विभिन्न ठाउँका बजार झकिझकाउ देख्न सकिन्छ । काठमाडौं उपत्यकाका बजार क्षेत्रका जुनसुकै गल्लीमा दशैंका लागि सामग्री किन्ने सर्वसाधारणको घुइँचो बढेको छ ।
उपत्यकाबाट दशैं मनाउन गाउँघर फर्किनेहरू र उपत्यकामै दशैं मनाउनेहरू एकै पटक बजारमा पुग्दा चाप बढेको हो । अर्कातिर यही बेला विदेशबाट दशैँ मनाउन आउनेहरू पनि छन् । उनका अनुसार नियमित रूपमा सञ्चालन भइरहेको सपिङ सेन्टर, कपडा होलसेल पसल तथा विभिन्न रूपमा दशैं पर्वका लागि सजिएका पसललाई केही दिनदेखि चटारो छ । न्युज एजेन्सी नेपाल
