‘पेस्तोल किङ्ग’ जीतुलाई भारतमा स्वर्ण पदक
काठमाडौं, २६ चैत : संखुवासभाका जीतु राईले अष्ट्रेलियाको गोल्डकोस्टमा आयोजित १० मिटर एयर पेस्तोल प्रतियोगितामा नयाँ रेकर्डका साथ स्वर्ण पदक जितेका छन् ।
भारतीय गोर्खा सैनिकमा भर्ती भएका उनी सुटिङमार्फत् थुप्रै पदकहरु भारतलाई दिलाएका छन् । जीतु राई आजभोलि ‘पेस्तोल किङ्ग’ को रुपमा चिनिएका छन् । भारतलाई पछिल्लो स्वर्ण पदक दिलाउने क्रममा जीतुले २३५ दशमलव १ अंकका साथ पहिलो स्थान हासिल गरे । भारतकै ओम मिठरवालले २१४ दशमलव ३ अंकका साथ काँस्य पदक जिते । यस प्रतिष्पर्धाको रजत पदक अस्ट्रेलियाको केरी बेलले हात पारे । राईले ठूला ठूला पदक जितेका छन् ।
जीतुबारे जानकारी ?
नेपालको संखुवासभामा जन्मिएका जीतुका बुवा भारतीय सैनिकमा जागिरे थिए जसले चीन र पाकिस्तानविरुद्ध ठूला ठूला लडाईंमा भाग लिएका थिए । २० वर्षको उमेरमा जीतु पनि भारतीय सैनिकमा भर्ती भए । लखनउको एक सैन्य अड्डामा रहेका जीतुलाई सुटिङ खेलप्रति रुची थिएन तर उनको निशाना निकै सटिक थियो । यो देखेर सैन्य अधिकारीहरुले जीतलाई मउको आर्मी मार्कमेन युनिटमा पठाए । तर नायब सुबेदार पदमा रहेका जीतु लगातार फेल भएको भन्दै फिर्ता गरियो ।
भारतीय सेनामा रहेकै बेला सन् २०१३ मा जीतुले अन्तर्राष्ट्रिय प्रतियोगितामा भाग लिन थाले र एक वर्षभित्रै उनी विश्वभर चिनिन थाले । जीतुले सन् २०१४ मा कमनवेल्थ गेम्समा ५० मिटर पेस्तोल वर्गमा स्वर्णपदक जिते । सन् २०१४ को एशियन गेममा पनि भारतलाई पहिलो स्वर्णपदक जीतुले नै दिलाएका थिए । सन् २०१४ मा नै जीतले शुटिङमा नौ दिनभित्र तीन वल्र्डकप मेडल जितेर रेकर्ड बनाएका थिए । जसमा १० मिटर एयर पेस्तोलमा स्वर्ण र ५० मिटर एयर पेस्तोलमा रजत सामेल छ ।
