सन्दीप आज नेपाल आउँदै, १० बजे आत्मसमर्पण गर्ने
विमानस्थल प्रहरी ‘अलर्ट’
काठमाडौं । एक किशोरीमाथि बलात्कार गरेको आरोप लागेका क्रिकेटर सन्दीप लामिछाने आज (बिहीबार) नेपाल आइपुग्दैछन् । सामाजिक सञ्जालमार्फत उनले आज बिहान १० बजे विमानस्थल आइपु्ग्ने र आत्मसमर्पण गर्ने जानकारी गराएका छन् ।
‘नेपालका अधिकारी समक्ष आत्मसमर्पण गर्ने मेरो इमानदार प्रतिबद्धता बमोजिम म बिहान १० बजे कतार एयरवेजबाट काठमाडौंको त्रिभुवन अन्तर्राष्ट्रिय विमानस्थलमा अवतरण गर्दैछु,’ उनले भनेका छन्, ‘मैले यसबारे प्रहरी अधिकारीलाई लिखित जानकारी गराइसकेको छु ।’
