पहिरोले नारायणघाट–मुग्लिन सडक अवरुद्ध
चितवन । पहिरोको कारण नारायणघाट–मुग्लिन सडक अवरुद्ध भएको छ । लगातारको वर्षाले लेदोसहितको पहिरो खसेर आज बिहान साढे ८ बजेदेखि दुईतर्फी अवरोध भएको छ ।
भरतपुर महानगरपालिका–२९ स्थित सत्रकिलोमा अविरल वर्षाको कारण माथिबाट लेदोसहितको पहिरो झरेर अवरोध भएको जिल्ला प्रहरी कार्यालय चितवनका डीएसपी नरहरी अधिकारीले बताए । सडक विभागसँग समन्य गरी बाटो खुलाउने पहल भइरहेको उनले बताए ।