कालिकोटमा मलामी हिंडेका १५ जना बेपत्ता
![Kalikot District Final Map](https://www.nayapage.com/wp-content/uploads/2022/10/Kalikot_District-Final-Map.jpg)
कालिकोट । कालीकोटको तिलागुफामा मलामी हिंडेका १५ जना बेपत्ता भएका छन् । तिलागुफा नगरपालिका राँचुली गाउँका १५ जना बेपत्ता भएका हुन् ।
शनिबार ज्यान गुमाएका हेमराज शाहीको अन्त्येष्टिमा गएका उनीहरु बेपत्ता भएका हुन् । १५ जना बेपत्ता भएको खबर आउना साथ प्रहरी टोली घटनास्थलतर्फ पठाएको कालिकोटका प्रमुख जिल्ला अधिकारी रामहरि शर्माले जानकारी दिएका छन् ।
गाउँलेले १५ जना जति बेपत्ता भएको खबर गरेपछि प्रहरीको टोली घटनास्थल पुगेको जानकारी दिंदै शर्माले भने, ‘हाम्रो प्रहरी टोलीले घटनाबारे बुझ्ने काम गरिरहेको छ, चाँडै विवरण आउनेमा विश्वस्त छौं ।’