जोशीको पार्थिव शरीरमा प्रधानमन्त्रीले ओढाए राष्ट्रिय झण्डा
काठमाडौं । संस्कृतविद तथा वाङ्मय शताब्दी पुरुष सत्यमोहन जोशीको पार्थिव शरीरलाई श्रद्धाञ्जली अर्पण गर्न राजनीतिक दलका शीर्ष नेताहरु ललितपुर पुगेका छन् ।
ललितपुर महानगरपालिका परिसरमा राखिएको जोशीको पार्थिव शरीरलाई श्रद्धाञ्जली दिन प्रधानमन्त्री तथा काँग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र वामदेव गौतम पुगेका हुन् । किष्ट मेडिकल कलेज परिसरमा श्रद्धाञ्जलीका लागि जोशीको पार्थिव शरीर केही बेर राखिएको थियो ।
त्यसलगतै ललितपुर महानगरपालिका परिसरमा राखिएको हो । जोशीको पार्थिव शरीर आज मध्याह्न १२ देखि अपराह्न ४ बजेसम्म महानगरको प्रांगणमा राखिने छ । जोशीको उपचारका क्रममा आज बिहान ७ बजेर ९ मिनेटमा ललितपुरको ग्वार्कोस्थित किस्ट मेडिकल कलेजमा निधन भएको हो ।