डेंगुबाट ५२ को मृत्यु, ४३ हजार ६८५ मा संक्रमण
काठमाडौं । डेंगु संक्रमण देशका ७७ वटै जिल्लामा फैलिएको छ । डेंगुबाट हालसम्म ५२ जनाको ज्यान गएको स्वास्थ्य तथा जनसंख्या मन्त्रालयले जनाएको छ ।
गत साउनदेखि हालसम्म ४३ हजार ६८५ जनामा डेंगु पुष्टि भएको छ । डेंगु संक्रमण रोक्न प्रतिकार्यका कार्य तीव्र पारिएको मन्त्रालयले जनाएको छ । स्वास्थ्य मन्त्रालयले डेंगुबाट बच्न फोहर जम्मा भएको ठाउँ सफा गर्न र पूरा बाहुला भएको कपडा लगाउन अनुरोध गरेको छ । विज्ञहरूले डेंगु जोखिम कायम रहेको भन्दै सचेत रहन आग्रह गरेका छन् ।
