दोलखामा माओवादीका कार्की भन्दा एमालेका शिवाकोटी ८५२ मतले अगाडि
दोलखा । प्रतिनिधि सभाअन्तर्गत दोलखामा जारी मतगणनामा सत्ता गठबन्धन र नेकपा एमालेबीच कडा प्रतिस्पर्धा देखिएको छ । जारी मतगणनामा पछिल्लो मत परिणाम आउँदा नेकपा एमालेका उम्मेदवार बालकृष्ण शिवाकोटी ८५२ मतले अघि रहेका छन् ।
नेकपा माओवादी केन्द्रका गंगा कार्की अहिले शिवाकोटीलाई पछ्याइरहेका छन् । यसअघि यहाँ शिवाकोटीलले करिब २ हजार मतको अग्रता बनाएका थिए । तर अहिले त्यो अग्रता ८५२ मा झरेको छ ।
हालसम्म ४७ हजार ४३७ मत गनिसक्दा एमालेका शिवाकोटीले २० हजार ६४५ मत ल्याएका छन् । उनलाई पछ्याइरहेका कार्कीले १९ हजार ७९३ ल्याएका छन् । ताजा अवस्थामा यी दुईजनाबीचको मतान्तर ८ सय ५२ मा झरेको छ ।