महतोले लक्ष्मण थारुलार्इ जेलबाटै राजपा प्रवेश गराए
काठमाडौं : कैलालीको टीकापुर घटना घटाएको आरोपमा जेलमा रहेका लक्ष्मण थारुसहित ३ जना राजपा पार्टीमा प्रवेश गरेका छन् । बिहीबार राजपा अध्यक्ष मण्डलका सदस्य राजेन्द्र महतोले कैलाली कारागारमै पुगेर लक्ष्मण थारु, विर बहादुर चौधरी र विश्राम चौधरीलाई पार्टी प्रवेश गराएका हुन् ।
लोकतान्त्रिक फोरममा रहेका उनीहरु विजय कुमार गच्छदारले धोका दिएको बताउँदै राजपा प्रवेश गरेको बताए । टीकापुर घटनामा पक्राउ परेकाहरुसँग तत्कालिन फोरम लोकतान्त्रिकका अध्यक्ष गच्छदारले टीकापुर घटना राजनैतिक कारणले भएको र पक्राउ परेकाहरु सबै निर्दाेष रहेको बताउँदै नआत्तिन भनेका थिए ।
टीकापुर घटनाका नाममा सोझासाझा थारुलाई राज्यले फसाएको राजपाका नेता राजेन्द्र महतोले आरोप लगाए । टीकापुर घटनाका बन्दीहरुको रिहाइका लागि पहल भैरहेको समेत उनले बताए ।
