बेटिसलाई हराउँदै बार्सिलोना स्पेनी सुपरकपको फाइनलमा
रियाद । बार्सिलोनाले रियल बेटिसलाई टाइब्रेकरमा ४–२ ले पराजित गर्दै बिहीबार स्पेनी सुपरकपको फाइनलमा प्रवेश गरेको छ । निर्धारित र अतिरिक्त समयको समयको खेल २–२ को बराबरीमा थियो ।
अब आइतबार फाइनलमा बार्सिलोनाले आफ्नो प्रमुख प्रतिद्वन्द्वी रियल म्याड्रिडको सामना गर्नेछ । त्यस अगाडि अर्को सेमिफाइनलमा रियलले भ्यालेन्सियालाई हराएको थियो ।
किङ फयाद स्टेडियममा भएको खेलमा बार्सिलोनाका लागि रोबर्ट लेवनडोस्की र अन्सु फाटीले गोल गरे । बेटिसका तर्फबाट भने फेकिर र मार्लोन गार्सियाले गोल गरे ।