मकवानपुरको छुट्टाछुट्टै स्थानमा दुई जनाको शव फेला
मकवानपुर । मकवानपुरको छुट्टाछुट्टै स्थानमा दुई शव फेला परेको छ । मंगलबार जिल्लाको हेटौंडा उपमहानगरपालिका र कैलाश गाउँपालिकामा दुई शव फेला परेको हो ।
जिल्ला प्रहरी कार्यालय मकवानपुरका अनुसार हेटौंडा उपमहानगर–१८ स्थित पर्यटकीय क्षेत्र गुम्बाडाँडा परिसरमा चितवनको राप्ती–२ बस्ने ५५ वर्षीय गोपालप्रसाद खतिवडाको शव फेला परेको हो ।
यस्तै जिल्लाको कैलाश गाउँपालिका–६ पकने मराङसिङमा धादिङ गजुरी–४ भूमिढुङ्गा बस्ने २२ वर्षीय शंकर तामाङको शव फेला परेको हो । दुबै घटनाको अनुसन्धान भइरहेको प्रहरीले जनाएको छ ।
