पाल्पामा टिपर दुर्घटना, चालकको मृत्यु


१२ माघ २०७९, बिहीबार
accident 2

पाल्पा । पाल्पामा टिपर दुर्घटना हुँदा चालकको ज्यान गएको छ । सिद्धार्थ राजमार्ग अन्तर्गत तिनाउ गाउँपालिका–५ केराबारी नजिकै ना ८ ख ७९२४ नम्बरको टिप्पर सडकबाट खोलामा खस्दा दुर्घटना भएको हो ।

दुर्घटनामा टिपर चालक स्याङ्जा गल्याङ नगरपालिका–१ राम्दीका २२ वर्षीय सरोज न्यौपानेको मृत्यु भएको जिल्ला प्रहरी कार्यालय पाल्पाका डिएसपी बिरेन्द्र थापाले जानकारी दिए ।

पाल्पाबाट बुटवलतर्फ जाँदै गरेको उक्त टिपर गए राति पौने १२ बजे सडकबाट तल खसेको थियो । राति नै प्रहरीको टोली घटनास्थलमा पुग्दा टिपर पूर्णरुपमा क्षति भएको थियो । खोजतलासका क्रममा आज बिहान साढे ७ बजे चालक न्यौपाने तिनाउ खोलाको पानीमा मृत फेला परेको पाल्पाका प्रवक्ता समेत रहेका डिएपी थापाले बताए ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७