शहीदको सम्मानमा देश विकासको संकल्प गरौं : प्रधानमन्त्री {तस्वीरहरु}
काठमाडौं । प्रधानमन्त्री पुष्पकमल दाहाल ‘प्रचण्ड’ ले संघीय लोकतान्त्रिक गणतन्त्र शहीदहरूको त्याग र बलिदानबाटै सम्भव रहेको बताएका छन् । आज (सोमबार) शहीद दिवसको अवसरमा लेनचौरस्थित शहीद स्मृति पार्कमा आयोजित श्रद्धाञ्जली सभालाई सम्बोधन गर्दै उनले यस्तो बताएका हुन् ।
उनले शहीदहरूले जीवित मानिसलाई निरन्तर प्रेरणा दिइरहने बताए । प्रधानमन्त्री प्रचण्डले देशको र जनताको निम्ति, प्रगति र समृद्धिको आफ्नो प्राण दिने शहीदहरू अमर र अजर रहने बताए । उनले माघ १६ गतेलाई फगत स्मरण र औपचारिक समारोहमा मात्रै सीमित नभई शहीदहरूको सपना, राष्ट्रको प्रतिष्ठा, जनताको प्रगतिका लागि सबै एक हुनुपर्नेमा जोड दिए । उनले शहीदको सम्मानका लागि देश विकासको संकल्प गर्न पनि सबैमा आग्रह गरे ।
प्रधानमन्त्री प्रचण्डले आज माघ १६ गते सहिद दिवसको अवसरमा शहीदहरूप्रति श्रद्धाञ्जली व्यक्त गर्दै उनीहरूको शालिकमा माल्यार्पण समेत गरेका छन् ।
