साफ यु–२० महिला च्याम्पियनसिप : नेपाल र भारतबीच प्रतिष्पर्धा हुँदै, जित्नै पर्ने दबावमा नेपाल
काठमाडौँ । बंगलादेशमा जारी साफ यु–२० महिला च्याम्पियनसिप फुटबल अन्तर्गत राउण्ड रोबिन लिगको आफ्नो अन्तिम खेलमा नेपालले आज (मंगलबार) भारतको सामना गर्दैछ ।
ढाकास्थित वीर श्रेष्ठ शहीद सिपाही मुस्तोफा कमल स्टेडियममा नेपालले भारतसँग प्रतिष्पर्धा गर्न लागेको हो। नेपाल र भारतबीचको खेल दिउँसो २ः४५ बजे शुरु हुनेछ । नेपाललाई फाइनल पुग्नका लागि भारतबिरुद्धको खेल जित्नैपर्ने दबाब रहेको छ ।
नेपाल २ खेलमा ३ अंक जोडेर तेस्रो स्थानमा छ । नेपाल पहिलो खेलमा बंगलादेशसँग पराजित भएको थियो । दोस्रो खेलमा भुटानलाई हराएको थियो ।