घट्यो सुनको भाउ, तोलाको कतिमा हुँदैछ कारोबार ?
काठमाडौं । नेपाली बजारमा आज (मंगलबार) सुनको भाउ घटेको छ । अघिल्लो दिनको तुलनामा तोलामा २ सय रुपैयाँले सुन सस्तो भएको हो ।
नेपाल सुनचाँदी व्यवसायी महासंघका अनुसार अघिल्लो दिन १ लाख ३ हजार २ सय रुपैयाँमा कारोबार भएको सुन आज १ लाख ३ हजार प्रतितोलामा कारोबार भएको हो । तेजाबी सुन आज १ लाख २ हजार ५ सय र चाँदी प्रतितोला १ हजार २ सय ९० रुपैयाँमा कारोबार भएको महासंघले जनाएको छ ।
