प्रहरीको हिरासत फोडेर भागेका थप एक जना पक्राउ
धनुषा । धनुषास्थित इलाका प्रहरी कार्यालय महेन्द्रनगरको हिरासतबाट भागेका थप एक जना थुनुवालाई प्रहरीले पक्राउ गरेको छ । हिरासतको पर्खाल भत्काएर माघ १६ मा ६ जना थुनुवा भागेका थिए ।
हातहतियार र खरखजाना मुद्दामा अनुसन्धान भइरहेका ३६ वर्षीय शंकर सिंह महतोलाई पर्साको बीरगञ्जबाट पक्राउ गरिएको जिप्रका धनुषाका डीएसपी बेदप्रसाद गौतमले बताए । शंकर सिंह बीरगञ्जको इनर्वास्थित भन्सार नाका हुँदै भारततर्फ भाग्न लागेका थिए । भागेका थुनुवाहरुमध्ये एक जना अझै फरार छन् ।