हेटौंडा उपमहानगरपालिकाका मेयरले राइफल देखाउँदै भैले कुटे
काठमाडौं : हेटौंँडा उपमहानगरपालिकाका मेयर हरिबहादुर महतले भैलो खेलिरहेको टोलीलाई राइफल देखाउँदै कुटपिट गरेका छन् ।
बिहीबार साँझ हेटौँडाको सिचाई टोलमा भैलो खेलिरहेका स्थानीयलाई मेयर महतले मदिरा खाएर त्यस्तो गरेको हो । सिँचाइ टोल महतको आफ्नै घर भएको टोल हो ।
स्थानीय पूर्वप्रहरी हवल्दार राज्यकुमारी चौंलागाइँको घरमा भैलो खेलिरहेको समयमा महतले गेटमा लात्तले हान्दै भित्र छिर्न खोजे तर छिर्न नसकेपछि गेटको प्वालबाट बन्दुको नाल भित्र छिराएका थिए ।
भित्र गएर पनि मेयर महतले राइफल देखाएपछि भैलो खेल्नेहरुको भागाभाग भएको प्रतक्षदर्शीले बताए । घटनामा महतले १७ वर्षीय सुनिल राईलाई कुटपिट गर्दै भैलो टोलीले लगेका स्पीकरसमेत तोडफोड गरेको स्थानीयले बताए । महतले मादक पदार्थ सेवन गरेका कारण नै घटना भएको स्थानीयको आरोप छ ।
