नेपाललाई लगातार सफलता : युएईले गुमायो चौंथो विवेट
काठमाडौं । विष्फोटक ब्याटिङ गरेका युएईका कप्तान मोहम्मद वसिमको विकेट लिएसँगै नेपाल खेलमा फर्किएको छ ।
युएईले चौँथो विकेट पनि गुमाएको छ । दीपेन्द्रसिंह ऐरीले नेपाललाई चौथो सफलता दिलाएका छन् । उनले ११ बलमा तीन रन बनाएका आयन अफ्जल खानलाई गुल्सन झाको हातबाट आउट गराए ।
कप्तान मोहम्मद वसिमलाई गुमाएपछि युएई संकटमा देखिएको छ । टिमको स्कोर ९८ हुँदा दोस्रो विकेटका रूपमा वसिम आउट भएका थिए । कीर्तिपुरस्थित त्रिवि खेलमैदानमा छक्काको वर्षा गरिरहेका वसिमलाई सन्दीपले पेभेलियन पठाएका हुन् । वसिमले ४९ बलमा ६३ रन बनाए । यसक्रममा उनले ६ छक्का र दुई चौका प्रहार गरे ।
त्यसपछि थप २० रन जोड्दा युएईले तेस्रो विकेटका रूपमा चुन्दनगपोयिल रिजवानलाई सात रनमा गुमायो । भीम सार्कीले फालेको थ्रोमा विकेटकिपर आसिफ शेखले स्टम्प उडाए । ताजा अवस्थामा युएईले २८ ओभरमा चार विकेट गुमाएर एक सय २९ रन बनाएको छ ।
