युद्धविरामका बाबजुद सुडानमा लडाइँ जारी, युद्ध राजधानी केन्द्रित हुँदै


१७ बैशाख २०८०, आईतवार
sudan 2

काठमाडौं । सुडानको सेनाले राजधानी खार्तुममा आक्रमण गर्नका लागि ठूलो संख्यामा ट्याङ्क र तोप तैनाथ गरेको छ । युद्धविरामको अवधि ७२ घण्टा थप गरिए पनि हवाई र जमिनी हमला जारी रहेको छ ।

सेनाले सर्वसाधारणलाई घरभित्रै बस्न र झ्यालबाट टाढा रहन अपिल गरेको छ । सेनाले राजधानी खार्तुममा चारैतर्फबाट हमला गरिरहेको जनाएको छ । युद्धविरामका बेला पनि सेनाले प्रतिद्वन्द्वी अर्धसैनिक बल र्‍यापिड सपोर्ट फोर्सेसद्वारा कब्जा गरिएको क्षेत्रलाई पुनः कब्जा गर्ने प्रयास गरिरहेको छ ।

छिमेकी देश दक्षिण सुडानको सरकारले दुई पक्षका प्रतिनिधिहरूलाई शान्ति वार्ता गराउने प्रयास गरिरहेको जानकारी दिएको छ । सुडानका पूर्व प्रधानमन्त्री अब्दुल्ला हमदोकले दुवै पक्षबीच संवादका लागि अन्तर्राष्ट्रियस्तरमा एकीकृत प्रयास गर्न अपिल गरेका छन् ।

हमदोकले यसलाई मूर्खतापूर्ण लडाइँको संज्ञा दिँदै यसमा कुनै पनि पक्षको जीत नहुने दाबी गरेका छन् । यो युद्धका कारण देशको हालत सिरिया र लिबियाभन्दा खराब हुन सक्ने उनको चेतावनी छ । पछिल्ला दुई हप्तादेखि जारी युद्धमा सयौँको संख्यामा मारिएका छन् । त्यस्तै हजारौँले देश छाडेका छन् ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७