सुनको भाउ एकै दिन १८ सय बढेर प्रतितोला एक लाख १० हजार ६ सय पुग्यो
काठमाडौँ । नेपाली बजारमा आज (बुधबार) सुनको भाउ हवातै बढेको छ । अघिल्लो दिन प्रतितोला एक लाख ८ हजार ८ सय रुपैयाँमा कारोबार भएको छापावाला सुनको मूल्य आज एकै दिन १८ सय रुपैयाँले बढ्दै एक लाख १० हजार ६ सय रुपैयाँ पुगेको हो ।
यसअघि गत चैत २२ गते प्रतितोला १ लाख ११ हजार रुपैयाँ पुगेर सुनको मूल्यले रेकर्ड राखेको थियो । नेपाल सुनचाँदी व्यवसायी महासंघका अनुसार आज तेजाबी सुनको मूल्य समेत तोलामा १८ सय रुपैयाँले नै बढ्दै १ लाख १० हजार ५० रुपैयाँ पुगेको छ ।
यता चाँदीको मूल्य भने तोलामा २० रुपैयाँले बढ्दै आज १ हजार ४२५ रुपैयाँमा कारोबार भइरहेको महासंघले जनाएको छ ।
