बढ्यो सुनको भाउ, तोलाको एक लाख ११ हजार पुग्यो
काठमाडौं । नेपाली बजारमा आज (सोमबार) सुनको भाउ तोलामा दुई सय रुपैयाँले बढेको छ । आज सुनको भाउ तोलाको १ लाख ११ हजार रुपैयाँ पुगेको नेपाल सुन चाँदी व्यवसायी महासङ्घले जनाएको छ ।
यो भाउ हिजोको भन्दा तोलामा दुई सय रुपैयाँले धेरै हो । चाँदीको भाउ भने आज स्थिर छ । चाँदी हिजो जस्तै तोलाको १ हजार ३ सय ७५ रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ ।
