सरकारको नीति विपरीत नचल्ने कागजात गरेर छुटे यातायात व्यवसायी


२३ बैशाख २०७५, आईतवार
saroj sitaula jeevan banjade

काठमाडौं, २३ बैसाख । यातायात सिण्डिकेटको पक्षमा आन्दोलन गर्ने क्रममा पक्राउ परेका नेपाल यातायात व्यवसायी राष्ट्रिय महासंघका पदाधिकारीहरु रिहा भएका छन् ।saroj sitaula jeevan banjade

समितिका अध्यक्ष योगेन्द्रनाथ कर्माचार्य, उपाध्यक्ष विजयबहादुर स्वाँर, महासचिव सरोज (पुण्यप्रसाद) सिटौला, उपमहासचिव वसन्त भण्डारी, कोषाध्यक्ष किरण खड्का र प्रदेश ३ का संयोजक धर्मराज रिमाल रिहा भएको प्रहरीले जनाएको छ ।

‘नेपाल सरकारले यातायात क्षेत्रमा सिन्ण्किेट तोड्न चालेको कदमप्रति मेरो पूर्ण समर्थन र विश्वास रहेको छ । हामी र हाम्रो व्यवसाय नेपाल सरकारको नीति निर्णय तथा कानुनी व्यवस्था प्रतिकूल हुने गरी सञ्चालन गर्ने छैनौं र अरु कसैलाई पनि प्रचलित कानुन र नेपाल सरकारको नीति प्रतिकूल हुने कार्यक्रमा प्रोत्साहन गर्ने छैनौं ।

अब उप्रान्त हामी र हामी सम्बद्ध यातायात व्यवसायलाई प्रचलित कानुन बमोजिम दर्ता गरी सरकारको नीति अनुकूल सञ्चालन गर्नेछौं, यातायात क्षेत्रमा सरकारले चालेको सिण्डिकेट हटाउने कदमको स्वागत गर्छौं । त्यसविरुद्ध गएमा हाम्रो नाममा दर्ता भएको सवारी साधनको रुट इजाजत पत्र खारेज गर्न तथा हामीलाई प्रचलित कानुन बमोजिम जस्तोसुकै कार्वाही भएमा पनि हाम्रो मञ्जुरी छ भनी यो कागज लेखी लेखाई सहिछाप गरी नेपाल सरकारलाई चढायौं,’ भनी सबै पदाधिकारीले हस्ताक्षर गरेका छन् । प्रहरीले महासचिव सिटौलालाई शुक्रबार पक्राउ गरेको थियो भने बाँकी पदाधिकारीलाई शनिबार बेलुका पक्राउ गरिएको थियो ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७