बेलवारीमा साकेला उभाैली भव्यरूपमा सम्पन्न
‘प्रदेश नं. १ को नाम ऐतिहासिक पृष्ठभुमि र पहिचान आधारमा राख्नुपर्छ’
बेलवारी, २७ वैशाख । किरात राई यायोक्खा केन्द्रीय उपमहासचिव तिलक प्रसाद राईले ऐतिहासिक पृष्ठभूमि र पहिचान आधारमा हुनुपर्ने बताएका छन् । बिहीबार बेलवारीमा आयोजित उभौली साकेला नृत्य प्रतियोगितामा उनले प्रदेश नं. १ को नाम ऐतिहासिक पृष्ठभूमि र पहिचानको आधारमा ‘किराँत प्रदेश’ उपयुक्त हुने भएको बताएको हुन् ।
किरातले प्रदेश नं.मा बस्ने सबै जातिको अस्तित्व र भावनाको पनि सम्मान हुने भएको हुँदा मुलुकलाई समृद्धितर्फ अगाडि बढ्न सहयोग पुग्ने उनको भनाइ थियो ।
कार्यक्रममा बेलवारी बहुमुखी क्याम्पसकाप्रमुख खगेन्द्रप्रसाद लुईटेलले सकेला नेपालको सांस्कृतिक सम्पदा रहेको हुँदा सबै समुदायले हेर्ने र नाच्ने वातावरण सृजना गरेको खण्डमा भावनात्मक सम्बन्धको विकास हुने बताए ।
कार्यक्रममा मोरङ र सुनसरीबाट सकेला नृत्य प्रतियोगितामा आएका टोलीहरूलाई पुरस्कृत गरिएको थियो । युवा पुस्ताका किरातीहरुले सकेला सिली नाचमा औधी रुचि रहेको पाइएको छ ।
यसै गरी कार्यक्रमकै अवसरमा यायोक्खालाई विभिन्न समयमा योगदान पु¥याउने ९ जनालाई सम्मान गरिएको थियो । बेलवारिमा किराँत राई यायोक्खा र आदिवासी जनजातिको क्षेत्रमा निकै लामो समयदेखि अभियन्ताको रूपमा सङ्घर्ष गर्दै आएका यायोक्खाका केन्द्रीय उपमहासचिव तिलक प्रसाद राईलाई सम्मान गरिएको छ ।
यस्तै स्वास्थ्यक्षेत्रका पृथ्वी राई, यायोक्खाका संस्थापक असित राई, पूर्व पदाधिकारीहरू वासुदेव राई कृष्णबहादुर राई, नन्दकुमार राई रणशेर राई, पत्रकारद्वारा खनेन्द्रकुमार राई (अर्जुन) र नारायण राई सम्मानित भएका छन् । कार्यक्रम वर्ण राईको सञ्चालन तथा यायोक्खाका अध्यक्ष जितुमान राईको अध्यक्षतामा भएको थियो ।