मोदीको नेपाल भ्रमणले नेपाल–भारत सम्बन्ध उच्च : रक्षामन्त्री
धनुषा, २८ बैसाख । रक्षामन्त्री इश्वर पोखरेलले दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई नेपाल सरकारको तर्फबाट स्वागत गरेका छन् ।
जनकपुरको बाह्रबिघामा भारतीय प्रधानमन्त्री मोदीलाई गरिएको अभिनन्दन कार्यक्रममा भारत–नेपालको रहेको ऐतिहासिक सम्बन्धलाई निरन्तरता दिइने बताएका छन् । रक्षामन्त्री पोखरेलले दुवै देशको सभ्यताको शुरुवात सँगसँगै भएको भन्दै ऐतिहासिक पवित्र भूमि जनकपुरधामले दुई देशबीचको सम्बन्धलाई सदृढ बनाउने बताए ।
जनकपुर गार्गी, वैदेही जस्ता विद्वानहरुको भूमि भएको बताउँदै भारतीय प्रधानमन्त्री नरेन्द्र मोदीलाई जनकपुरमा स्वागत गर्न पाउँदा दुई देशबीचको सम्बन्धलाई अझ उचाइमा पुर्याउने रक्षामन्त्री पोखरेलले बताए ।
पोखरेलले आफूले सन् २०१४ मा भएको भारतीय प्रधानमन्त्री मोदीले गरेको नेपाल भ्रमण र उनले व्यक्त गरेका अभिव्यक्तिहरु ऐतिहासिक भएको बताएका छन् ।