सामाखुसी खोलामा बेपत्ता बालकको शव ११ दिनपछि दक्षिणकालीमा भेटियो
काठमाडौं । काठमाडौंको सामाखुसीमा खोलामा खसेर बेपत्ता भएका बालकको शव भेटिएको छ । साउन ७ गते बाढीले बगाउँदा बेपत्ता भएका १३ वर्षीय बालक साजन मगर ११ दिनपछि दक्षिणकाली खोलामा मृत्त भेटिएका हुन् ।
स्थानीयले शव देखेपछि प्रहरीलाई खबर गरेका थिए । बालक बेपत्ता भएपछि नेपाल प्रहरी, सशस्त्र प्रहरीको विपद् व्यवस्थापन टोलीले उनको खोजी गरेको थियो ।
उनको शव दक्षिणकाली खोला नजिकै भेटिएको महानगरीय प्रहरी वृत्त महाराजगञ्जका प्रमुख डीएसपी अंगुर जीसीले जानकारी दिए । साजन भानुभक्त मेमोरियल स्कुलमा कक्षा ६ मा पढ्थे ।
