एशियन जुनियर कराँते: एस्तरले जिते नेपालका लागि पहिलो कास्य
काठमाडौं,३० बैशाख: एशियन जुनियर करातेमा एस्तर राईले कास्य पदक जितेकी छिन् । जापानको ओकिनावा शहरमा २०१८ मे ११ देखि १३ सम्म भएको १७ औँ एशियन जुनियर तथा यु–२१ कराते प्रतियोगितामा यु २१ को ६१ केजी तौल समुहमा पदक जितेको हो ।
एशियन च्याम्पियनशिपको १७ औँ संस्करण सम्म आइपुग्दा पनि अहिलेसम्म नेपालले कुनै पनि पदक जित्न सकेको थिएन। राईले पहिलो खेल श्रीलंका दोर्स्रो खेल चाइनिज ताईपे र तेर्सो खेलमा पाकिस्थानका खेलाडीलाई ७-० अन्तरले पराजित गरि कास्य पदक जितेको प्रशिक्षक धुब्रबिक्रम मल्लले नयाँपेजलाई जानकारी दिए ।
युथ ओलम्पिकको छनौटका लागि बरियता प्राप्त गर्ने एशियाको एकमात्र च्याम्पियनसिप रहेकोले जापानमा २०२० मा हुने ओलम्पिक गेम्समा देशको प्रतिनिधित्व गर्न सक्ने सम्भावना बनेको छ ।
राई श्रीलंकाको राजधानी कोलम्बोमा ५ अगस्त २०१७ मा भएको चौथो साउथ एशियन साफ कराते च्याम्पियनशीपमा स्वर्ण पदक विजेता खेलाडी पनि हुन् ।