रास्वपा संसदीय दलको बैठक बस्दै, के–के छन् एजेण्डा ?
काठमाडौं । राष्ट्रिय स्वतन्त्र पार्टीले संसदीय दलको बैठक बोलाएको छ । आज साँझ ५ बजे सिंहदरबारस्थित संसदीय दलको कार्यालयमा बैठक बोलाइएको सचेतक निशा डांगीले जानकारी दिइन् ।
उनका अनुसार बैठकमा विषयगत समितिका सभापतिहरूको निर्वाचन, संसदमा पार्टीले दर्ता गरेका संकल्प र सार्वजनिक महत्वका प्रस्तावहरू र पार्टीको आगामी संसदीय अभ्यासलगायत विविध विषयमा छलफल हुनेछ ।
