चार देशीय महिला टी–ट्वान्टी क्रिकेट श्रृंखला उपाधिका लागि नेपाल र हङकङ भिड्दै
काठमाडौं । मलेसियामा जारी चार देशीय महिला टी–ट्वान्टी क्रिकेट श्रृंखलाको उपाधिका लागि आज (शनिबार) नेपाल र हङकङबीच प्रतिस्पर्धा हुँदैछ ।
खेल नेपाली समय अनुसार दिउँसो पौने १२ बजे मलेसियाको बायोमास ओभलमा सुरु हुनेछ । शुक्रबार समूह चरणका खेल सकिँदा नेपाल, हङकङ र मलेसियाको समान चार-चार अंक भए पनि नेपाल र हङकङ रनरेटका आधारमा फाइनलमा प्रवेश गरेका हुन् ।
तीनै टोली समूह चरणका दुई दुई खेलमा विजयी भएका थिए । आइसीसी महिला टि–ट्वान्टी विश्वकप एसिया क्षेत्र छनोट अघि नेपाल, मलेसिया, हङकङ र कुवेतले चार देश सम्मिलित सिरिज खेलेको हो ।
