संसदीय समितिको सभापतिमा माओवादीबाट माधव सापकोटा र विमला सुवेदी
84
Shares
काठमाडौं । सरकारको नेतृत्व गरिरहेको नेकपा माओवादी केन्द्रले कानुन, न्याय तथा मानवअधिकार समितिको सभापतिमा विमला सुवेदी र पूर्वाधार विकास समितिको सभापतिमा माधव सापकोटालाई उम्मेदवार बनाउने भएको छ । माधव सापकोटा सिन्धुपाल्चोक–१ बाट निर्वाचित सांसद हुन् । यस्तै विमला सुवेदी नुवाकोटकी हुन् ।
‘माओवादीले पाएको समितिको सभापति टुंगो लागेको छ । यसै विषयमा अन्तिम रूप दिन संसदीय दलमा बैठक बस्दैछ । दलले टुंग्याएपछि मनोनय दर्ताका लागि अगाडि बढ्छौं’, एक नेताले भने । दुवै उम्मेदवारलाई माओवादी संसदीय दलको कार्यालयमा बोलाइएको छ । आज दिउँसो ४ बजेसम्म उम्मेदवारी दिने र भोलि निर्वाचन हुने कार्यतालिका छ ।
