भारतविरुद्धको खेलमा सन्दीप नवौँ विकेटका रूपमा आउट
काठमाडौं । चीनमा जारी १९ औं एसियाली खेलकुदअन्तर्गत पुरुष क्रिकेटमा भारतविरुद्ध नेपालले सन्दीप लामिछानेलाई नवौं विकेटका रूपमा गुमाएको छ ।
जेझाङ प्राविधिक विश्वविद्यालयको क्रिकेट मैदानमा भारतले प्रस्तुत गरेको २०३ रनको लक्ष्य पछ्याइरहेको नेपालले १८.६ ओभरमा सन्दीपलाई व्यक्तिगत पाँच रनमा गुमाएको हो ।
जारी खेलको १९ ओभरको खेल सकिँदा नेपालले नौ विकेट गुमाएर १७६ रन बनाएको छ । त्यसअघि, टस जितेर ब्याटिङमा उत्रिएको भारतीय टिमले निर्धारित २० ओभरमा चार विकेट गुमाएर २०२ रन बनाएको थियो ।
