काठमाडौंको नागढुङ्गामा भिरबाट कार खस्यो
काठमाडौं । काठमाडौंको नागढुङ्गामा आज (शुक्रबार) बिहान कार दुर्घटना भएको छ । बा १५ च ९०६४ नम्बरको कार आज बिहानै नागढुङ्गा चेकपोष्टभन्दा थोरै तल दुर्घटना भएको हो ।
सडकबाट कार खस्दा तीन जना घाइते भएको उपत्यका ट्राफिक प्रहरी कार्यालयमा एसएसपी राजेन्द्र प्रसाद भट्टले जानकारी दिए । उनका अनुसार बैतडी घर भएका भवानसिंह रावल, उनकी पत्नी वसन्तकुमारी रावल र छोरा सिरिस रावल घाइते भएका छन् ।
उनीहरूको सिनामंगलस्थित केएमसी अस्पतालमा उपचार भइरहेको छ । सडकबाट तल भिरमा खसेको कारलाई क्रेनको सहायताले निकालिएको छ । कार दुर्घटना हुँदा केही समय नागढुंगा सडकखण्डमा सवारी आवागमन अवरुद्ध भएको थियो ।
