अस्पतालको ल्यापटप चोरेपछि सशस्त्रका असई समातिए
कैलाली । कैलालीमा अस्पतालको ल्यापटप चोरेको आरोपमा सशस्त्र प्रहरी बलका एक जना सहायक निरीक्षक (असई) पक्राउ परेका छन् । धनगढी उपमहानगरपालिकामा रहेको स्वस्तिक अस्पतालबाट ल्यापटप चोरेको आरोपमा धनगढी–३ का रमेश भण्डारीलाई प्रहरीले नियन्त्रणमा लिएको हो ।
पक्राउ परेका भण्डारी सशस्त्र प्रहरी बलका सहायक निरीक्षक (असई) रहेको जिल्ला प्रहरी कार्यालय कैलालीका प्रवक्ता डिएसपी कुलदीप चन्दले जानकारी दिए । भण्डारीमाथि उजुरी दर्तापछि अनुसन्धान भइरहेको उनले बताए ।
सशस्त्र प्रहरी स्रोतका अनुसार दार्चुलामा कार्यरत उनले पोखरा तालिमको निम्ति पठाइएको समयमा ल्यापटप चोरेका थिए । चोरीपछि नेपाल प्रहरीले सशस्त्र प्रहरीलाई पत्र लेखेर आवश्यक सहयोग गर्न आग्रह गरेको थियो । त्यसपछि सशस्त्रले नै उनलाई पक्रेर प्रहरीलाई बुझाएको होे ।
