इलाम भ्रमणमा गएका विद्यार्थी चढेको बस सडकबाट ३०० मिटर तल खस्यो
इलाम । इलाममा विद्यार्थीहरु चढेको बस दुर्घटना भएको छ । रोङ गाउँपालिकाको लसुने र अर्याल चोकको बीच भागमा ना ६ ख ८४२४ नम्बरको बस दुर्घटनामा परेको हो ।
धनुषाबाट भ्रमणका लागि इलाम गएका विद्यार्थीसहितको टोली बोकेको बस आइतबार ४ः४० बजे दुर्घटनामा परेको जिल्ला प्रहरी कार्यालय इलामका एसपी बासुदेव खतिवडाले जानकारी दिए ।
बसमा सवार ३७ जनामा सबै घाइते भएको जनाइएको छ । बस सडकबाट करिब ३०० मिटर तल खसेको बताइएको छ । घाइतेमध्ये २६ जनाको झापास्थित बीएण्डसी अस्पतालमा उपचार भइरहेको कोी प्रदेश प्रहरी प्रमुख डीआईजी राजेशनाथ बास्तोलाले जानकारी दिएका छन् ।
