.gif)
.gif)
.png)
मणीपुरको सबैभन्दा पुरानो सशष्त्र समूहले त्याग्यो हतियार : सम्झौतापछि अब शान्ति प्रकियामा
नयाँदिल्ली । मणिपुरको सबैभन्दा पुरानो सशस्त्र समूह यूएनएलएफ हिंसा त्यागेर मूलधारमा समाहित भएको छ । केन्द्रीय गृहमन्त्री अमित शाहका अनुसार मणिपुरको सबैभन्दा पुरानो सशस्त्र समूह यूएनएलएफ हिंसा त्याग्न र मूलधारमा सामेल हुन सहमत भएको हो । उनका अनुसार युएनएलएफसँग भारत सरकारले शान्ति सम्झौतासमेत गरेको छ ।
गृहमन्त्रीले शाहले भने, ‘मणिपुरको सबैभन्दा पुरानो उपत्यकामा आधारित सशस्त्र समूह यूएनएलएफ हिंसा त्याग्न र मूलधारमा सामेल हुन सहमत भएको छ । म उहाँलाई लोकतान्त्रिक प्रक्रियामा स्वागत गर्दछु र उनीहरूको शान्ति र प्रगतिको यात्रामा हार्दिक शुभकामना व्यक्त गर्दछु ।’
‘आज भारत सरकार र मणिपुर सरकारद्वारा यूएनएलएफसँग भएको शान्ति सम्झौताले ६ दशक लामो सशस्त्र आन्दोलनको अन्त्य भएको संकेत गर्दछ’ अर्को सामाजिक सञ्जालको पोष्टमा गृहमन्त्रीले शाहले भने, ‘यो प्रधानमन्त्री नरेन्द्र मोदीको समावेशी विकासको दृष्टिकोणलाई साकार पार्न र उत्तर पूर्वी भारतका युवाहरूलाई राम्रो भविष्य प्रदान गर्ने दिशामा ऐतिहासिक उपलब्धि हो ।’
गृह मन्त्रालयले धेरै अन्य चरमपन्थी संगठनहरू मणिपुरको सबैभन्दा पुरानो सशस्त्र समूह यूएनएलएफलाई प्रतिबन्ध लगाएको थियो । एचटी रिपोर्टका अनुसार प्रतिबन्ध लगाएको केही दिनपछि यो शान्ति सम्झौता भएको थियो । मणिपुरमा सुरक्षा बल, प्रहरी र नागरिकमाथि आक्रमण र हत्याका साथै भारतको सार्वभौमसत्ता र अखण्डतामा प्रतिकूल असर पार्ने गतिविधिमा संगठन संलग्न रहेको महसुस गरेपछि केन्द्रले यो निर्णय गरेको हो । यूएनएलएफ मणिपुरको सबैभन्दा पुरानो मैतइ विद्रोही समूह हो, जुन नोभेम्बर २४, १९६४ मा गठन भएको थियो । एजेन्सी
