त्रिभुवन विमानस्थलमा यात्रुले बोकेको लगेजमा आगलागी
काठमाडौं । त्रिभुवन अन्तर्राष्ट्रिय विमानस्थलको यात्रु प्रतिक्षा हलमा आगलागी भएको छ । आइतबार बिहान चिनियाँ नागरिकले बोकेको लगेजमा आगलागी भएको डीआइजी अर्जुन चन्द ठकुरीले जानकारी दिए ।
उनका अनुसार चीन जानका लागि बोर्डिङ पास सकेर प्रतिक्षा हलमा बसिरहेका चिनियाँ नागरिकले बोकेको लगेजमा एक्कासी आगलागि भएको हो । लगेजमा ल्यापटप, पावर बैंकले चार्ज गरी राखिएको थियो । लगेजमा लागेको आगो तत्कालै निभाइएको उनले जानकारी दिए ।