.gif)
.gif)
.png)
एनसेल प्रकरण छानबिनका लागि पाँच सदस्यीय समिति गठन
काठमाडौं । दूरसञ्चार सेवा प्रदायक कम्पनी एनसेलको विवादास्पद शेयर खरिद–बिक्रीबारे छानबिन गर्न सरकारले पूर्व महालेखापरीक्षक टंकमणि शर्माको संयोजकत्वमा पाँच सदस्यीय उच्चस्तरीय अध्ययन तथा छानबिन समिति गठन गरेको छ ।
आज (बिहीबार) बिहान बसेको मन्त्रिपरिषद्को बैठकले शर्माको संयोजकत्वमा पाँच सदस्यीय समिति गठन गरेको सञ्चार तथा सूचना प्रविधिमन्त्री एवं सरकारकी प्रवक्ता रेखा शर्माले जानकारी दिइन् । उनका अनुसार समितिमा नेपाल सरकारका सचिव फणिन्द्र गौतम, सहसचिव बाबुराम भण्डारी, सहसचिव हृदयेशकुमार शाक्य, आइक्यानका अध्यक्ष सुजनकुमार काफ्ले सदस्य छन् ।
समितिलाई ३० दिनको कार्यावधि दिइएको पनि मन्त्री शर्माले बताइन् । त्यस्तै सरकारले विश्व बैंकबाट प्रादेशिक तथा स्थानीय सडक उद्धार कार्यक्रम पहिलो चरणका लागि प्राप्त सहायता सम्बन्धी वार्ता गर्नका लागि अर्थ मन्त्रालयका सहसचिवको संयोजकत्वमा वार्ता टोली गठन गर्न अख्तियारी दिने निर्णय समेत गरेको छ ।
प्रवक्ता शर्माका अनुसार सरकारले खोनपानी तथा महसुल निर्धारण आयोगको रिक्त अध्यक्ष पदमा रुद्रप्रसाद गौतमलाई र सदस्य पदमा यशोदा कार्की र कुलभुषण शर्मालाई नियुक्त गर्ने निर्णय गरेको छ ।
