दुर्गा प्रसाईंको घाँटीमा समस्या, नौं दिनसम्म बोल्न नमिल्ने
झापा । मेडिकल व्यावसायी तथा गणतन्त्रविरोधी अभियान चलाइरहेका दुर्गा प्रसाईंको घाँटीमा समस्या देखिएको छ । देशव्यापी अभियानका क्रममा धेरै बोल्दा घाँटीमा समस्या देखिएकाले शल्यक्रिया गर्नुपरेको उनको सचिवालयले जनाएको छ ।
झापास्थित प्रसाईंकै स्वामित्वको बीएण्डसी अस्पतालमा उनको शल्यक्रिया हुन लागेको छ । अब उनी नौं दिनसम्म बोल्न नमिल्ने चिकित्सकहरूले जनाएका छन् । प्रसाईं नेतृत्वको नागरिक बचाउ अभियानका अध्यक्ष मण्डलका सदस्य हरि कार्कीका अनुसार, प्रसाईंको घाँटीमा ग्रन्थीसम्बन्धी समस्या रहेको र यसअघि पनि शल्यक्रिया भएको थियो ।
