शैक्षिक प्रमाणपत्र धितो राखेर सात लाख पाइने, पूरा भयो विद्यार्थीको माग
काठमाडौ, १५ जेठ । आर्थिक वर्ष २०७५–७६ को बजेटले शैक्षिक प्रमाण–पत्र धितो राखेर ऋण लिन सक्ने व्यवस्था गरेको छ । अर्थमन्त्री डा. युवराज खतिवडाले आज संसदमा आव २०७५–७६ को बजेट सार्वजनिक गर्दै शैक्षिक प्रमाणपत्र धितो राखेर सात लाख रुपैंयाँसम्म बिना व्याज ऋण लिन सक्ने व्यवस्था मिलाएको जानकारी गराएका छन् ।
शैक्षिक प्रमाणपत्र धितो राखेर ऋण लिन चाहने युवाहरुका लागि थप अन्य कुराहरु आउँदा दिनमा व्यवस्थित गर्दै लगिने पनि अर्थमन्त्री डा. खतिवडाले बताएका छन् । उनले बजेटले गरेको व्यवस्थाले शैक्षिक वेरोजगारी कम गर्दै युवाहरुलाई व्यवसायमा लाग्न प्रेरित गर्ने पनि बताए ।
विगतदेखि नै विद्यार्थी संगठनहरुले शैक्षिक प्रमाणपत्र धितो राखेर बैंकबाट ऋण पाउनु पर्ने माग गर्दै आएका थिए । अखिलले अगुवाई गर्दै आएको यो माग अर्थमन्त्री खतिवडाको पालामा आएर पूरा भएको छ ।
